Ang salitang muntawit ay isang salitang likha na mula sa “munting awit.”
This is a brief song, like a classic English sonnet.
MUNTAWIT NG PAG-IBIG
Halina’t umahon, Mutyang Perlas,
Tayo’y magliwaliw sa pangarap;
Tingalin ang langit, walang ulap;
Tanawin ang Buwan, kay liwanag,
Maraming Bituing kaakibat.
Sa tabi ng landas, sa tugatog,
Daming ilang-ilang, makampupot;
Ipipitas kita, aking irog,
Saka tutuhugin ng pagluhog,
Nang iyong mahagkan pati ubod.
Kung masiyahan na ang puso mo,
Aking kagalakan ay gaano;
Kung magsawa ka man ay maano,
Sukat ang pumatak ang luha ko.
