Ang pangngalan ay may kasarian.
May pangngalang panlalaki, pambabae, di-tiyak, at walang kasarian.
MGA KASARIAN NG PANGNGALAN
Panlalaki
bumabanggit sa tiyak na ngalan ng lalaki
– doktor, abogado, ginoo, ama,
Pambabae
bumabanggit sa tiyak na ngalan ng babae
– doktora, abogada, ginang, ina
Di-tiyak
maaaring tumutukoy sa ngalang pambabae or panlalaki
– guro, pulis, manggagamot
Walang Kasarian
bumabanggit sa mga pangngalan na walang buhay
Mga Halimbawa ng Pangngalang Panlalaki
duke, hari, kuya, labandero, lalaki, lolo, maestro, manong, ninong, nobyo, papa, pari, prinsipe, sastre, tandang, tatay, tindero, tito, tiyuhin
Mga halimbawa ng pangngalang pambabae
ale, ate, babae, binibini, doktora, dukesa, inahin, labandera, lola, madre, maestra, mama, manang, modista, nanay, ninang, nobya, prinsesa, reyna, tindera, tita, tiyahin
Mga halimbawa ng pangngalang di-tiyak
bata, kaibigan, kalaro, kapatid, kamag-anak, katrabaho, guro, mag-aaral, magulang, mananahi, nars, pangulo, pinsan, piloto, pulis
Mga halimbawa ng pangngalang walang kasarian
aklat, baso, damit, eroplano, gamit, halaman, itlog, kaldero, lampara, mesa, orasan, plato, relo, sasakyan
