Gallina Capituda

misspelling: El Galina Capitua

MI GALLINA CAPITUDA

Mi gallina capituda
Todo el gallo ta enloquía
Mi gallina bien plantuda
Na danao ta espejá.
Mi gallina exquisita
ni un bulate, ni un gusano
no le gusta gat come
sino el palai y maíz grano.
Maga gallos del vecinos
Todo con ele ta man urôñg
el Alimbuyuc de Ñor Luciano
hasta el Lasâc de Manóñg Binong.
El malatuba de Ñora Ana
el Jilañg de Manáñg Ticang
ni con nadie tiene le gana
sino con el Suláncâñg.
Un día ele ya man putác
Arriba del tapájan
na urinola bien gujâc
ya hace su pugáran.
Diariamente a estas horas
ocho días sin cesar
Pone un huevo tan regular.
Un día si Paulina
ya guerréa del binucúan
ya tupá con mi gallina
por eso ya man púsa-ân.
Que pobre capituda
remedio ni cura no hay
hay morí gayot sin duda
hay guindá na carajai.

This is a Poema Zamboangueño (poem of Zamboanga, where the Chavacano language is primarily spoken).